[Deputación Provincial de Pontevedra / Diputación Provincial de Pontevedra]
MÉRCORES, 24 DE SETEMBRO DE 2014 Páxina de inicio Mapa de contidos Directorio de contacto Directorio telefónico Axudas á navegación
   Está en » depontevedra.es » ..... » Patrimonio Documental » Guía do Patrimonio Documental da Provincia de Pontevedra

Portada | Páxina Anterior | Páxina Seguinte
GUÍA DO PATRIMONIO DOCUMENTAL DA PROVINCIA DE PONTEVEDRA 

Arquivo municipal de Baiona


[Prema (click) para ampliar a imaxe]
Arquivo municipal de Baiona

Descrición FONDO. Norma ISAD (G)



1. Área de identificación
1.1. Código de referencia ES.GA.36003.AMBAI
1.2. Título Arquivo municipal de Baiona
1.3. Datas 1541-2013
1.4. Nivel de descrición FONDO
1.5. Volume e soporte 5.163 unidades de instalación en soporte papel na súa totalidade


2. Área de contexto
2.1. Nome do produtor Concello de Baiona
2.2. Historia institucional/
Recesión biográfica

O territorio do concello de Baiona, situado na costa atlántica, ó oeste da provincia de Pontevedra, linda cos concellos de Nigrán, Oia e Gondomar.

Ocupa unha superficie superior ós trinta e un quilómetros cadrados, con corenta e seis entidades de poboación dispersas nas súas actuais cinco parroquias: Baíña, Baiona, Baredo, Belesar e Santa Cristina da Ramallosa, nas que residen máis de dez mil habitantes.

Esta área xeográfica formou parte da provincia de Tui ata a división constitucional e a reforma posterior, que derivou na súa inclusión definitiva na provincia de Pontevedra. A totalidade das parroquias dependían daquela da xurisdicción real de Baiona.

Iniciado o proceso de constitución dos concellos no século dezanove, dentro do Partido Xudicial de Vigo créanse os concellos de Bouzas, Lavadores, Nigrán, Vigo, Gondomar e Baiona. Este último, formado por cinco parroquias, non sufriu alteracións na súa configuración dende aquela.

2.3. Historia arquivística

A casa do concello de Baiona atópase na “Casa de Correa”, unha construcción en pedra, de sólidos muros, distribuída en baixo e planta, prolongada lateralmente cunha terraza ameada. O edificio, construído ó parecer en 1759, foi adquirido para sede do Concello no ano 1942 e recentemente restaurado cunha ampla praza na súa fronte.

O local inicialmente dedicado a arquivo, situábase na ala esquerda da edificación, distriuido en tres plantas intercomunicadas entre si por escaleira metálica, cunha superficie total superior ós setenta e seis metros cadrados. Conta este espacio con boas condicións de habitabilidade, instalacións e equipamentos suficientes para a súa finalidade.

A insuficiencia da súa capacidade e o elevado volume documental que xera o Concello obrigou a habilitar un novo espazo na pranta baixa, nunha sá cadrada de trinta e oito metros cadradados, intercomunicada coas anteriores por unha escaleira interior de pedra.

A primeira actuación para a organización dos fondos documentais levouse a cabo nos anos 1981-1982, data a partir da cal se acometeron novos procesos de reincorporación, informatización e adaptación ó novo cadro de clasificación usado na actualidade, incluída a mellora do local nos anos 1994, 2002, 2005, 2007, 2010 e 2013.

Os traballos de organización e descrición documental, baixo a dirección técnica do STPDOC, leváronos a cabo:
Olga Castañeda Rodríguez
Jacobo Domínguez Pedreira
Antonio López Bodaño
Marcos Meijueiro Rey
Concepción Melero Fenández
Jaime Moiño Vaamonde
Lara María Moldes González
Carmen Pérez Larrán
María torres Hermida
Teresa Túñez Landín
Iñaki Varela Pérez>BR> María del Carmen Martín Regueira
Iria Chaves Moledo
Alberto Aramburu García-Pintos
Alfonso Gómez Martín
María del Carmen Fariña Fernández
María Lede Pérez
Carla Muñoz López
Aída María Pérez Martínez
Javier López Sáez

2.4. Forma de ingreso Por transferencia directa ó arquivo no remate da súa tramitación administrativa e coincidindo co seu escaso uso administrativo.


3. Área de contido e estrutura
3.1. Alcance e contido

Consérvase un elevado conxunto documental do século dezanove e incluso de certa importancia de séculos anteriores, especialmente os libros de actas do Pleno e de contas do Concello dende 1542, con notable descontinuidade e lagoas.

As quintas e milicias alcanzan ata o ano 1741, con continuidade no século XIX;as eleccións consérvanse dende 1835, a documentación referida ás obras de particulares dende 1882 e a das contribucións rústica e urbana dende 1836.

Xunto coa documentación organizada, derivada directamente da xestión municipal, consérvase unha colección documental, disposta en 92 unidades de instalación, que inclúe fondos variados, especialmente referidos ó Hospital Sancti Spiritus, coa documentación máis antiga, dende 1320, que se gardaba no seu día no moble de arquivo que ten o Concello.

Pola necesidade de restauración do moble de arquivo, hoxe xa felizmente rematada, procedeuse a dispor e inventariar de forma somera esta colección, cunha numeración independente e a instalala nun local diferenciado, garantindo a súa conservación e posibilidade de manexo e consulta.

3.2. Valoración, selección e eliminación A pesares da existencia de manuais e estudios de valoración e expurgo documental, tendo en conta a inexistencia dunha consistente argumentación técnica e legal, ademais da escaseza do fondo xa de por si conservado, a única eliminación levada a cabo foi a dos duplicados, fotocopias ou publicacións periódicas que acompañaban ós documentos e expedientes.
3.3. Novos ingresos Transferencias anuais incorporadas polo Servizo Técnico do Patrimonio Documental.
3.4. Organización
CADRO DE CLASIFICACIÓN

1. GOBERNO

1.1. CONCELLO / PLENO 1542-2012 194
1.2. ALCALDE 1906-2012 123
1.3. COMISIÓN DE GOBERNO/ PERMANENTE 1924-2012 61
1.4. COMISIÓNS INFORMATIVAS E ESPECIAIS 1974-2012 16

2. ADMINISTRACIÓN

2.1. SECRETARÍA 1854-2012 262
2.2. REXISTRO 1930-2012 61
2.3. PATRIMONIO 1845-2012 94
2.4. PERSONAL
     2.4.1. ADMINISTRACIÓN DE PERSOAL 1814-2012 180
     2.4.2. DISCIPLINA E CONTROL 1902-2012 30
     2.4.3. CLASES PASIVAS/ SS / MUTUALIDADES 1913-2009 46
     2.4.4. SELECCIÓN DE PERSOAL 1905-2012 187
     2.4.5. REPRESENTACIÓN DO PERSOAL 1978-2011 11/TD>
2.5. SERVIZOS XURÍDICOS 1888-2011 84
2.6. CONTRATACIÓN 1888-2012 144
2.7. ARQUIVO 1973-2003 4

3. SERVIZOS

3.1. OBRAS E URBANISMO
     3.1.1. PLANEAMENTO 1965-2011 99
     3.1.2. PLANS DE OBRAS E SERVIZOS 1963-2011 70
     3.1.3. OBRAS MUNICIPAIS 1848-2012 431
     3.1.4. OBRAS PARTICULARES 1888-2013 1683
     3.1.5. INDUSTRIAS 1888-2011 201
3.2. SERVIZOS AGROPECUARIOS E INDUSTRIAIS 1847-2005 54
3.3. ABASTECEMENTOS E CONSUMOS
     3.3.1. ABASTOS E CONSUMOS 1844-2009 29
     3.3.2. MATADOIRO 1981-1989 1
     3.3.3. AUGA 1952-2007 72
     3.3.4. OMIC 2001-2003 1
     3.3.5. PÓSITO 1989 1
3.4. TRANSPORTES 1901-2009 14
3.5. SEGURIDADE CIDADÁ 1861-2012 111
3.6. SANIDADE 1852-2010 77
3.7. BENEFICENCIA E ASISTENCIA SOCIAL 1811-2009 51
3.8. EDUCACIÓN 1837-2009 25
3.9. CULTURA 1881-2012 59
3.10. DEPORTES 1918-2006 16
3.11. POBOACIÓN 1843-2012 148
3.12. QUINTAS E MILICIAS 1741-2001 42
3.13. ELECCIÓNS 1835-2012 43

4. FACENDA

4.1. INTERVENCIÓN
     4.1.1. ASUNTOS XERAIS 1897-2005 9
     4.1.2. ORZAMENTOS ORDINARIOS 1541-2007 332
     4.1.3. ORZAMENTOS EXTRAORDINARIOS 1943-1983 13
     4.1.4. ORZAMENTOS DE INVERSIÓNS - -
4.2. FINANCIACIÓN E TRIBUTACIÓN
     4.2.1. IMPOSTOS 1836-2012 373
     4.2.2. TAXAS 1860-2010 147
4.3. TESOURERÍA
     4.3.1. CAIXA 1851-1998 30
     4.3.2. RECADACIÓN 1901-2009 155
     4.3.3. CONTAS BANCARIAS 1937-2007 51


4. Área de condicións de acceso e utilización
4.1. Condicións de acceso Documentación de caracter público, de consulta libre agás as limitacións legais derivadas das respectivas normativa vixentes.
4.2. Condición de reprodución Reproducción libre a solicitude do interesado, coa salvidade da protección documental e da salvagarda da súa integridade.
4.3. Lingua / escritura(s) dos documentos Castelán. Galego nalgúns documentos máis recentes.
4.4. Características físicas
e requisitos técnicos
En soporte papel na súa totalidade, cun bo estado de conservación. Aprécianse notables perdas documentais.
4.5. Instrumentos de descrición Guía e cadro de clasificación en papel, publicados e informatizados.
Inventario somero en papel, publicado e informatizado, cun total de 6.087 rexistros.
Inventario detallado en ficha e informatizado, cun total de 27.917 rexistros.


5. Área de documentación asociada
5.1. Existencia e localización dos documentos orixinais Non se coñece a existencia de orixinais fora do arquivo municipal.
5.2. Existencia e localización de copias Non se coñecen, agás naquela documentación derivada dun proceso de colaboración con outras administracións (eleccións, padróns de habitantes e de impostos...).
5.3. Unidades de descrición relacionadas Pola realidade administrativa do eido local podería atoparse documentación moi directamente relacionada co concello e as súas actividades en arquivos doutras administracións do seu ameto xeográfico, especialmente no Arquivo da Deputación Provincial e no Arquivo Histórico Provincial.
5.4. Nota de publicacións *“Inventario Archivo Municipal de Baiona”
Col. “Plan de Organización de Archivos Municipales”, nº 3
D.L. PO-72-88 ISBN: 84-86845-04-1
*“Inventario arquivo do concello de Baiona”
Col. “Patrimonio documental da provincia de Pontevedra”, nº 53
D.L. PO-384-03 ISBN: 84-8457-167-X
"*”Baiona de Miñor en sus documentos: actas municipales correspondientes al. siglo XVI”"/ José García Oro, María José Portela Silva.- Pontevedra: Deputación, 2003.
"Os arquivos municipais de Pontevedra: evolución e tratamento"/ Miguel A. Pereira Figueroa, José Luis Castro Carpintero, Lourdes Pérez-Santamarina Feijóo.
Revista PONTEVEDRA: Estudios Provinciais. Nº 21, pgs 229-257
* Páxina web da Deputación de Pontevedra “depontevedra.es”


6. Área de notas
6.1. Notas O arquivo do concello supón un sistema arquivístico simple, coa función de recoller, conservar e servir a documentación xerada no decurso da xestión administrativa nas oficinas do concello. Carece aínda dunha estructura propia e diferenciada que nos permita considerar a existencia dun arquivo na totalidade e amplitude do termo.


7. Área de control da descrición
7.1. Nota do arquiveiro Servizo Técnico do Patrimonio Documental (STPDOC)
7.2. Regras ou normas General International Standard Archival description, Second Edition, ISAD (G)
7.3. Data da descripción Setembro de 2013

Portada | Páxina Anterior | Páxina Seguinte

INICIO | VOLVER ARRIBA Última modificación 29/10/2013 12:31
Copyright © 2002-2014, Deputación de Pontevedra. Reservados todos os dereitos. | Aviso Legal
Pazo Deputación Provincial. Avda. Montero Ríos, s/n. - 36071 Pontevedra ES
Teléfono: +34 986 804100 - Fax: +34 986 804124
http://www.depontevedra.es/