A Deputación distribuirá o luns 300 entradas para a gravación o martes en Soutomaior dun concerto do Xacobeo que TVE emitirá o 25 de xullo

Participarán Diego el Cigala e Bebo Valdés, The Corrs, Nek, Mariza, Diego Torres e Tribus Band

A Deputación de Pontevedra repartirá o vindeiro luns, a partires das dez da mañá, no Departamento de Actos Públicos, 300 invitacións gratuítas para asistir á gravación televisiviva que o Xacobeo 2004 e TVE realizarán no Castelo de Soutomaior o martes, día 4, a partir das dez da noite.

As invitacións serán repartidas por rigoroso orden e na cuantía de dúas por persoa, ata agota-las.

A gravación que se efectuará en Soutomaior será emitida por TVE, en cadea nacional e polo seu canle internacional, o 25 de xullo. Segundo informou o departamento de Programas de TVE, nela participarán Diego El Cigala e Bebo Valdés, The Corrs, Nek, a fadista portuguesa Mariza, Diego Torres e Tribus Band.

TVE e o Xacobeo 2004 facilitaron as anteditas entradas á Deputación de Pontevedra pola súa colaboración para dispor do Castelo de Soutomaior, propiedade da institución provincial. Segundo informou TVE, non se permitirá o acceso en coche ó castelo, polo que a cadea televisiva poñerá a disposición dos asistentes _con entrada_ un autobús que partirá dende o campo de fútbol de Salgueirón, en Arcade.