A Deputación de Pontevedra inclúe nos seus presupostos partidas para o circuito de alta velocidade entre Mondariz e Pazos para un estudio sobre necesidades de vivenda

Os presupostos da Deputación de Pontevedra para o vindeiro ano de 2008 rondarán os 145 millóns de euros, según anunciou hoxe, en rolda de prensa, o vicepresidente provincial, José Manuel Figueroa.

As contas provinciais incluirán unha partida económica para realizar o anteproxecto do Circuito de Alta Velocidade que a Deputación prevé construir nunha zona forestal de 200 hectáreas nos concellos de Mondariz e Pazos de Borbén, próxima á AP-9, á futura A-52 ou á Zona Franca de Vigo onde se ubica a factoría PSA Peugeot Citröen, entre outras firmas.

Según explicou Figueroa, a Deputación xa tén realizado o estudio de viabilidade do Circuito e, unha vez confeccionado o anteproxecto, a Xunta será a encargada de autorizar o carácter supramunicipal da instalación.

Os terreos onde se prevé construir o Circuito de Alta Velocidade Rías Baixas pertencen a comunidades de montes veciñais de mán común dos devanditos concellos de Pazos e Mondariz, a quénes José Manuel Figueroa e o propio presidente da Deputación, Rafael Louzán, agradeceron a súa boa disposición e máxima colaboración para facilitar a obra.

O estudio de viabilidade da Deputación Provincial define usos do Circuito para acoller competicións deportivas, entrenamentos, presentacións e evaluación de vehículos, asi como cursos de conducción e seguridade vial, e instalacións complementarias. Según as directrices da Federación Internacional de Automovilismo (FIA), a lonxitude do Circuito deberá ser en torno ós 3,5 kilómetros, con un ancho de pista entre 12 e 15 metros.

Outras liñas das contas provinciais, adelantadas por José Manuel Figueroa, son para realizar un Estudio das Necesidades de Vivenda nos concellos da provincia, en vista do parón do sector e da paralización dos Plans Xerais que ven realizando a Xunta. Un Consorcio para a recollida de residuos urbáns, outro dos cinco parques de bombeiros da provincia, a potenciación do IPESPO e do polígono Barro-Meis, así como a cooperación cos concellos, son outras prioridades do presuposto provincial para o 2008.