Pesca e Cultivos Mariños

Aínda que a pesca non é competencia directa da Deputación, a institución provincial, dada a súa importancia no sector primario pola súa participación no P.I.B. da provincia, leva a cabo un intenso labor para promovela e desenvolvela en colaboración coa Consellería de Pesca e Asuntos Mariños, mediante a realización de convenios para a recuperación de bancos marisqueiros, axuda á flota artesanal de baixura, axudas a confrarías de pescadores en diversas actuacións coma adecuación de locais, dotación de equipos e maquinaria a lonxas e organización de productores. Axuda á vixilancia, dotación de embarcacións, coches de vixilancia e traslados de mercancías. Subvencións para a recuperación de embarcacións e de promocións dos productos procedentes do marisqueo.

As contribucións na formación de alumnos de acuicultura con axudas de bolsas de estudios en empresas nacionais, estranxeiras e mais no Instituto Oceanográfico. No campo da investigación cooperamos con ANFACO desde hai varios anos polo desenvolvemento de varios proxectos e tamén se fan estudios a través de CETMAR.

Entre outras actividades para fomentar o respecto polo mundo mariño,asínanse desde hai anos convenios para que os alumnos dos colexios da provincia vivan a experiencia dunhas xornadas cunha visita o Aquarium e unha viaxe en barco. Desde o noso servizo axudamos a CEMAR á organización mediante estudios e avistamentos mamíferos mariños.

En relación coa pesca continental a preocupación da Deputación para fomentala remóntase ó 27 de xuño de 1908, data en que se estudia a posibilidade de crear unha piscifactoría no río Lérez. En 1962 constitúese a piscifactoría de Carballedo que actualmente traballa na producción de troitas para a repoboación dos ríos da provincia de Pontevedra.