turismo rías baixas

Contratación do servizo de limpeza
na sede de Turismo Rías Baixas

Anuncio | Calendario | Adxudicacion
Prego económico-administrativo | Prego técnico
Relación de Persoal

prego técnico

Prego de prescricións técnicas que han de rexer a contratación do servizo de limpeza na sede de Turismo Rías Baixas.

Trátase de efectuar a contratación do servizo de limpeza de mantemento do edificio “Palacete das Mendoza”, sito na Praza de Santa María, s/n, na cidade de Pontevedra.

O servizo se realizará de luns a venres, en horario diúrno, preferentemente na xornada de tarde, excluíndo os festivos, tendo en conta o horario de apertura do centro.

Este servizo de limpeza de mantemento efectuarase co seguinte cadro de frecuencias:

• Tarefas diarias:
  - Varrido e fregado de chans.
  - Aspirado de alfombras e moquetas.
  - Limpeza de mobiliario.
  - Limpeza de material ofimático.
  - Limpeza de papeleiras e cinceiros.
  - Limpeza do comedor-office, incluíndo vaixela.
  - Limpeza dos servizos de W.C. e lavabos.
  - Limpeza de pegadas en cristaleiras.
   
• Tarefas semanais:
  - Limpeza de portas e marcos.
  - Limpeza de metais.
  - Desempolvado de extintores e cadros.
   
• Tarefas mensuais:
  - Limpeza de cristais de fiestras.
  - Limpeza de paredes alicatadas.
  - Abrillantado do chan.
   
• Tarefas anuais:
  - Limpeza de lucernario.
  - Limpeza de puntos de luz.

Para a realización destes servizos o contratista deberá concretar nunha memoria explicativa a forma e os medios materiais que vai utilizar na execución do contrato, que serán por conta da empresa. A medida que se practique a limpeza procederase á recollida do lixo en bolsas de plástico cerradas e depositadas nos contedores habilitados ó efecto.

A empresa deberá especificar os produtos de limpeza a empregar, que serán por conta da empresa indicando a composición química e toxicidade, segundo a normativa vixente.

O persoal que utilice o contratista para a limpeza deberá estar debidamente uniformado con roupas adecuadas que permitan a identificación da empresa á que pertencen e ó mesmo tempo sexan as adecuadas para a prestación do servizo obxecto do contrato.

O persoal mínimo que a empresa adxudicataria deberá aportar para efectuar o servizo será de dúas limpadoras e 1 equipo de cristaleiros e a empresa adxudicataria respecto ó mesmo terá as seguintes obrigas:

• Terá a obriga de vixiar as labores realizadas polos seus empregados de limpeza.
• As tarefas mensuais e semanais deberán estar recollidas nunhas follas de servizos debidamente conformadas por Turismo Rías Baixas, que deberán presentarse xunto con cada factura.
• A formación do seu persoal para a correcta realización das tarefas encomendadas.
• O contratista adquirirá polo feito da formalización do contrato, os dereitos e obrigas inherentes á súa calidade de patrono, respecto ó persoal que utilice para os traballos contratados, non afectando a “Turismo Rías Baixas”, na súa virtude, fronte a dito persoal e contratista, responsabilidades de ningunha clase en ningún caso.
• Serán do cargo do contratista, o pago das cargas familiares, o aseguramento dos riscos derivados de posibles accidentes de traballo e o pago de cuotas, de todas clases, de seguros sociais creados ou que no sucesivo puideran crearse. A estes efectos deberá ter sempre a disposición de Turismo Rías Baixas os documentos que xustifiquen o cumprimento destas obrigacións.
• O contratista asumirá as responsabilidades inherentes ó persoal que traballa na sede de Turismo Rías Baixas, en virtude do Convenio Colectivo do sector.
• O contratista responderá de tódolos danos que poidan causarse no edificio polo persoal da súa empresa na realización dos traballos de limpeza.
• A empresa adxudicataria comprométese a cubrir, de forma inmediata, as ausencias producidas entre o persoal, por enfermidade ou por calquera outra causa.
• En caso de emerxencia a empresa terá que prestar colaboración en materia de limpeza sempre que se lle solicite e cando sexa necesario por mor de traballos de reparación e conservación do edificio.

Pontevedra, 5 de novembro de 2007

O DIRECTOR, J. Octavio Rodríguez Nieto